SAMAR

Hardho Sayoko.Spb



Akeh gunem sing mung waton metu sake cangkem
nanging nek diwaca sejatine mung buru pengalem
ndadekake telenge ati rojah rajah ora tentrem
sak wise ucul lan ngobahe ilat sak durunge mingkem
bisa natoni sanak lan nuwuhake ruwete perkara
lali merga melik jenenge moncer lan diajeni kanca


Mula aja mung nirokake unine manuk menco
omong sak omong kudu dipikir sing luwih jero
tinimbang dadekake gendra ing tembe burine
becik meneng lan ora susah serik dikira bodho 
sing penting slamet senadyan ketok rada bruwet

Akeh gunem sing mung waton metu sake cangkem
nanging nek diwaca sejatine mung buru pengalem
sing ndadekake utek umob lan pikiran ora jenjem
sak wise kesusu ngeculake gunem karo mesam-mesem
ora nggagas sing krungu atine kobong lan bisa nesu
mula becik meneng tinimbang obah kaya kinjeng

Kedunggalar, 14 Juni 2009