Hardho Sayoko.Spb
Godhong-godhong garing kumleyang saka cendhela
blasah neng jogan kamar wedhakan lebu lemah cengkar
angin, angin aja mbok jawil wit jambu sing tumiyung neng latar
ketigane lagi mucuki mula umbaren angkrang-angkrang pada jigar
supaya manuk prenjak kanthi wening bisa nayuhake sasmita
sak durunge martakake karo pencolotan ngobahake jangga
; Sanak sedulur neng paran lagi padha nandhang dhuhkita
karo maliki dina-dina kawuri sing sak iki nguncali mala
nggetuni balung pitik cemani sing gosong merga dienggo pipa
Sendang Harjo ,Tuban, 12 Juli 2006
Tidak ada komentar:
Posting Komentar