Hardho Sayoko
- cathethane suwargi Romo Antonius Yohanes de Britto, CM
Sak durunge ngesok kangen saka dhadha
nyawang asrine taman pinaes kembang maneka warna
reca neng jero guwa ketok kaya ngejrah hanacaraka
memuji karo ngobahake rentengan rosario
rikala angin esuk ngelus-elus godhong cemara
Nadyan enere panudinge driji ora padha
merga pilihan saka garbane biyung wis beda
aku melu ngrasakake krenteke panembah
ngadhemake polahe ati lan nentremake ubenge donya
Saben leren neng kene
sak wise ngesok kangen saka dhadha
lamat-lamat keprungu dumelinge swara
ngajak ngedohi saka kehe laku cidra
ngajak guyup lan rukun tumuju ngudi raharja
kadangku saka kene kejibah martakake sabda
Agustus 2006
Tidak ada komentar:
Posting Komentar