Hardho Sayoko
Ora susah sepata kabeh wis padha ora percaya
aja ngrakit crita nek mung gombale Mukiya
tutukmu kudune kagem ngendikan sing duwe rega
mula aja angger jeplak mundhak sing krungu ngaru ara
Sejatine sing melek wis suwe rumangsa kena apus krama
nanging padha mupus merga ilate wis kadhung kejiret kala
bisane mung bekah bekuh karo ndhodhog dhadha ;
Gek biyen ngimpi apa wedhus prucul dikira sapi brenggala
nganti lali siji ping siji nek diijir apa kena kanggo mertamba
Ora susah pringas pringis kabeh wis wegah melu baris
aja bola bali sambat nek mung marahi urip saya mlarat
esemmu sing pahit madu wis suwe ora ana sing nganyang
mula becike mingkem ben ora ketujah solahe jaran kepang
10 Juli 2011
Tidak ada komentar:
Posting Komentar