Hardho Sayoko
- Kanggo Wijang JR lan Sucipto HP
Gendera sing kumlebet neng angkasa
dikerek merga warisane leluhur wus meh kari crita
supaya tetep ngrembaka nganti jagate rengka
supaya nuladhani anak putu sing guneme saya ora cetha
tak perlokake nyawang tanpa merdulekake ringkihe raga
sak wise nampa dlancang rong suwek saka kanca
Sanadyan mung sak obahe tlapukan mripat
mramonge ati wus adhem siniram endahe esem
sanadyan mung sak usapan anggone salaman
wis mulas sewu cathetan sing durung dadi kandha
Tak sok kangenku neng lebune lemah cengkar
pinanggang sumelete srengenge mangsa ketiga
sak wise mbaka sak tlumik megeng ambegan
ngliwati ratan aspal sing pinageran wit cemara
abote kebranange rasa kangen marang sedulur
sing ngrajut sulur kapang neng jero dhadha
Dangka, Trenggalek 4 Agustus 2009
Tidak ada komentar:
Posting Komentar